Transcription
1
Monsieur, mes pouvres subietz de Chabestaing estant
2
persecuttés de la famine, occation du mauvès tamps
3
quilz ont heu ceste année passée, de la gresle qui
4
ne leur laissa rien, et maintennant de ceulx là
5
de Serre pour la contribuction quilz y font tous
6
les moys ; à ceste cause, vous voldrès prier très
7
humblement me voloyr donner une lestre dexamption,
8
le vilage nestant que dung feu et dimy et sera
9
une grand aumosne et sollagement pour les pouvres
10
jans et seront tenus à prier Dieu pour vous, et
11
moy de vous fère perpetuel service, vous merciant
12
bien humblement les novelles de la court que
13
mavés mandé pour monsieur de La Baulme. Pardesa,
14
nia chouse que meritte de vous escripre, sil nest
15
que jeudy passé, huictiesme du presant, Leydiguières
16
et Polyni et aultres inconnus passarent pour
17
Veyne et, comme ay entandu, prindrent le chemin
18
de Monbrun et ne sont encores de retour ; et sil y a
19
chouse que meritte, ne falleray soudain la vous
20
fère entandre. Finiray la presante par mes très humbles
21
recommandations à votre bonne grace, priant Nostre
22
Seigneur vous donner,
23
monsieur, en parfaicte santé, très longue heureuse vie. De
24
votre maison du Saix, ce XIIII janvier 1573.
25
Votre plus humble à vous fère service
26
Laborel